- Advertisement -
1. യുഎസ് ഓപ്പണ്‍ ടെന്നീസ് വനിത സിംഗിള്‍സ് കിരീടം ബലാറസ് താരം ആര്യാന സബലേങ്കയ്ക്ക്. ഫൈനലില്‍ അമേരിക്കയുടെ അമാന്‍ഡ അനിസിമോവയെ 6-3, 7-6 എന്ന സ്‌കോറിന് കീഴടക്കി.
2. യുഎസ് ഓപ്പണ്‍ ടെന്നീസ് പുരുഷ സിംഗിള്‍സ് കിരീടം സ്പാനിഷ് താരം കാര്‍ലോസ് അല്‍ക്കരാസിന്. ഫൈനലില്‍ ഇറ്റാലിയന്‍ താരം യാനിക് സിന്നറിനെ 6-2, 3-6, 6-1, 6-4 എന്ന സ്‌കോറിന് പരാജയപ്പെടുത്തി.
3. 2025-ലെ ഏഷ്യാകപ്പ് ഹോക്കി കിരീടം ഇന്ത്യയ്ക്ക്. ഫൈനലില്‍ നിലവിലെ ചാമ്പ്യന്മാരായ ദക്ഷിണകൊറിയയെ 4-1-ന് പരാജയപ്പെടുത്തി.
4. 2025-ലെ കേരള ക്രിക്കറ്റ് ലീഗില്‍ കൊച്ചി ബ്ലൂ ടൈഗേഴ്‌സ് ചാമ്പ്യന്‍മാര്‍. ഫൈനലില്‍ കൊല്ലം സെയിലേഴ്‌സിനെ 75 റണ്‍സിന് തോല്‍പ്പിച്ചു.
5. കാഫ നേഷന്‍സ് കപ്പ് ഫുട്‌ബോള്‍ കിരീടം ഉസ്‌ബെക്കിസ്ഥാന്. ഫൈനലില്‍ ഇറാനെ 1-0 എന്ന സ്‌കോറിന് പരാജയപ്പെടുത്തി. കാഫ നേഷന്‍സ് കപ്പ് ഫുട്‌ബോളില്‍ ഇന്ത്യയ്ക്ക് മൂന്നാം സ്ഥാനം. പെനാല്‍ട്ടി ഷൂട്ടൗട്ടില്‍ ഒമാനെ 3-2ന് കീഴടക്കിയാണ് ഇന്ത്യ മൂന്നാം സ്ഥാനം കരസ്ഥമാക്കിയത്.
6. ആലപ്പുഴ പുന്നമടക്കായലില്‍ നടന്ന നെഹ്‌റു ട്രോഫി വള്ളംകളി ഫൈനലില്‍ വീയപുരം ചുണ്ടന് കിരീടം.
7. 2026-ലെ ട്വന്റി 20 ലോകകപ്പ് ക്രിക്കറ്റിന് ഇന്ത്യയും ശ്രീലങ്കയും സംയുക്തമായി ആതിഥ്യം വഹിക്കും.
8. ദക്ഷിണാഫ്രിക്കയെ 342 റണ്‍സിന് കീഴടക്കി ഏകദിന ക്രിക്കറ്റിലെ റണ്‍സ് അടിസ്ഥാനത്തിലെ ഏറ്റവും വലിയ ജയം എന്ന റെക്കോര്‍ഡ് ഇംഗ്ലണ്ട് സ്വന്തമാക്കി. ശ്രീലങ്കയ്‌ക്കെതിരെ ഇന്ത്യ നേടിയ 317 റണ്‍സിന്റെ റെക്കോര്‍ഡ് ആണ് പഴങ്കഥയായത്.
7. ഇന്ത്യയുടെ ടെസ്റ്റ് ക്രിക്കറ്റ് ബാറ്റര്‍ ചേതേശ്വര്‍ പൂജാര ക്രിക്കറ്റിന്റെ എല്ലാ ഫോര്‍മാറ്റില്‍നിന്നും വിരമിച്ചു.
8. 2025-ലെ ഫിഡെ ചെസ് ലോകകപ്പ് വേദി- ഗോവ
9. 2025-ലെ ഏഷ്യാകപ്പ് പുരുഷ ഹോക്കി വേദി- ബീഹാര്‍
10. പ്രഥമ ഖേലോ ഇന്ത്യ വാട്ടര്‍ സ്‌പോര്‍ട്‌സ് ഫെസ്റ്റിവലിന്റെ ഭാഗ്യചിഹ്നം- ഹിമാലയന്‍ കിങ്ഫിഷര്‍.
11. ക്രിക്കറ്റ് കളിക്കാരുടെ ഫിറ്റ്‌നസ് വിലയിരുത്തുന്നതിനായി ബിസിസിഐ അവതരിപ്പിച്ച പുതിയ ഫിറ്റ്‌നസ് ടെസ്റ്റാണ് ബ്രോങ്കോ ടെസ്റ്റ്
12. ആര്‍ബിഐ മുന്‍ ഗവര്‍ണര്‍ ഊര്‍ജിത് പട്ടേലിനെ ഐഎംഎഫിന്റെ എക്‌സിക്യൂട്ടീവ് ഡയറക്ടറായി നിയമിച്ചു.
13. ഷാങ്ഹായ് സഹകരണ സംഘടനയുടെ (എസ് സി ഒ) 2025 സുരക്ഷ ഉച്ചകോടി വേദി- ചൈനയിലെ ടിയാന്‍ജിന്‍
14. ഇന്ത്യയിലെ ആദ്യത്തെ ഹൈഡ്രജന്‍ തീവണ്ടി പരമ്പൂരിലെ ഇന്റഗ്രല്‍ കോച്ച് ഫാക്ടറിയില്‍ നിര്‍മ്മിച്ചു.
15. ഡോ മഹേന്ദ്ര മോഹന്‍ ഗുപ്ത പ്രസ് ട്രസ്റ്റ് ഓഫ് ഇന്ത്യയുടെ ചെയര്‍മാനായി തിരഞ്ഞെടുക്കപ്പെട്ടു.
16. തായ്‌ലാന്‍ഡ് പ്രധാനമന്ത്രി പെയ്‌തോങ്തരണ്‍ ഷിനവത്ര അധികാരത്തില്‍നിന്നും പുറത്തായി.
17. സീഷെല്‍സിലെ പുതിയ ഇന്ത്യന്‍ ഹൈക്കമ്മീഷണറായി മലയാളിയായ രോഹിത് രതീഷിനെ നിയമിച്ചു.
18. സിങ്കപ്പൂര്‍ പ്രധാനമന്ത്രി ലോറന്‍സ് വോങ് ഇന്ത്യ സന്ദര്‍ശിച്ചു.
19. ഓസ്‌കാറില്‍ പാപ്പുവ ന്യൂഗിനി എന്ന രാജ്യത്തിന്റെ ഔദ്യോഗിക എന്‍ട്രിയായി മലയാളിയായ ഡോ ബിജു സംവിധാനം ചെയ്ത പപ്പ ബുക്ക തിരഞ്ഞെടുക്കപ്പെട്ടു. ആദിവാസി വിഭാഗത്തില്‍പ്പെട്ട സൈന്‍ ബൊബോറോയാണ് നായകന്‍.
20. ശുക്രനിലേക്കുള്ള റഷ്യയുടെ ബഹിരാകശ ദൗത്യം- വെനേറ ഡി
21. രക്തചന്ദ്രന്‍ എന്ന് വിളിക്കപ്പെടുന്ന ചെമ്പന്‍ നിറത്തില്‍ കാണപ്പെട്ട പൂര്‍ണചന്ദ്രഗ്രഹണം സെപ്തംബര്‍ 7-ാം തിയതി ദൃശ്യമായി.
22. മനുഷ്യനില്‍ പന്നിയുടെ ശ്വാസകോശം ആദ്യമായി വിജയകരമായി ചൈനയില്‍ വച്ചുപിടിപ്പിച്ചു.
23. ഗര്‍ഭാശയഗള അര്‍ബുദം രണ്ട് മണിക്കൂറിനുള്ളില്‍ കണ്ടെത്താനാകുന്ന കിറ്റ് ഡല്‍ഹി എയിംസ് വികസിപ്പിച്ചു.
24. പൂര്‍ണമായും തദ്ദേശീയമായി നിര്‍മ്മിച്ച ഇന്ത്യയിലെ ആദ്യ മൈക്രോ ചിപ്പാണ് വിക്രം 32
25. ജാപ്പനീസ് പ്രധാനമന്ത്രി ഷിഗേരു ഇഷിബ രാജിവച്ചു
26. നേപ്പാള്‍ പ്രധാനമന്ത്രി കെ പി ശര്‍മ്മ ഒലി രാജിവച്ചു.
27. ലോകത്തെ ഏറ്റവും വലിയ ഫിന്‍ടെക് ഫെസ്റ്റ്ഒക്ടോബറില്‍ മുംബൈയില്‍ നടക്കും.
28. വായു നിലവാരം മെച്ചപ്പെടുത്താനുള്ള ശ്രമങ്ങള്‍ക്ക് മധ്യപ്രദേശിലെ ഇന്ദോറിന് ഒന്നാം റാങ്ക്.
29. റഷ്യന്‍ പ്രസിഡന്റ് വ്‌ളാഡിമര്‍ പുടിന്റെ ജീവിത കഥ ആസ്പദമാക്കി നിര്‍മ്മിക്കുന്ന ചലച്ചിത്രമാണ് ദി വിസാര്‍ഡ് ഓഫ് ക്രെംലിന്‍. സംവിധായകന്‍ ഒലിവര്‍ അസായസ്.
30. തദ്ദേശ തിരഞ്ഞെടുപ്പില്‍ ഇവിഎമ്മിനുപകരം ബാലറ്റ് പേപ്പര്‍ ഉപയോഗിച്ച് തിരഞ്ഞെടുപ്പ് നടത്താന്‍ തീരുമാനിച്ച സംസ്ഥാനം കര്‍ണാടകയാണ്.
31. എഴുത്തുകാരനും അധ്യാപകനുമായ കാസിം വാടാനപ്പള്ളി അന്തരിച്ചു.
32. കവിയും എഴുത്തുകാരനുമായ യു ജയചന്ദ്രന്‍ അന്തരിച്ചു.
33. കേരളത്തിലെ ആദ്യത്തെ വനിത ഫോറന്‍സിക് സര്‍ജന്‍ ഡോ ഷെര്‍ലി വാസു അന്തരിച്ചു.
34. വിഖ്യാത ഇറ്റാലിയന്‍ ഫാഷന്‍ ഡിസൈനര്‍ ജോര്‍ജിയോ അര്‍മാനി അന്തരിച്ചു.
35. ബ്രിട്ടീഷ് റോക്ക് ഗായകന്‍ റിക്ക് ഡേവിസ് അന്തരിച്ചു.
36. തിരുവനന്തപുരം മുന്‍ ജില്ലാ കളക്ടര്‍ എം നന്ദകുമാര്‍ അന്തരിച്ചു.
37. 2023-ലെ ദാദാ സാഹേബ് ഫാല്‍ക്കെ പുരസ്‌കാരം മോഹന്‍ലാലിന് ലഭിച്ചു. ചലച്ചിത്ര രംഗത്തെ സമഗ്ര സംഭാവനയ്ക്ക് നല്‍കുന്ന ഇന്ത്യയിലെ പരമോന്നത ബഹുമതിയാണ് ദാദാസാഹേബ് ഫാല്‍ക്കെ പുരസ്‌കാരം. പത്തുലക്ഷം രൂപയും സ്വര്‍ണ കമല്‍ മുദ്രയും ഫലകവുമാണ് ബഹുമതി.
38. ജ്ഞാനപീഠ ജേതാവ് അമിതാവ് ഘോഷിന് കൊറിയയിലെ ഏറ്റവും വലിയ സാഹിത്യ ബഹുമതിയായ പാക് ക്യോങ്‌നി പുരസ്‌കാരം. 88 ലക്ഷം രൂപയാണ് പുരസ്‌കാരത്തുക.
39. മുന്‍ പ്രധാനമന്ത്രി പി വി നരസിംഹറാവുവിന്റെ പേരിലുള്ള പുരസ്‌കാരം പ്രധാനമന്ത്രി മന്‍മോഹന്‍ സിങ്ങിന് ലഭിച്ചു.
40. അയനം- സി വി ശ്രീരാമന്‍ പുസ്‌കാരം എസ് സിതാരയ്ക്ക് ലഭിച്ചു.
41. രാജ്ദീപ് സര്‍ദേശായിക്ക് കേരള മീഡിയ അക്കാദമിയുടെ ഇന്ത്യന്‍ മീഡിയ പേഴ്‌സണ്‍ പുരസ്‌കാരം ലഭിച്ചു.
42. വയോജനങ്ങളെ ഓണ്‍ലൈന്‍ തട്ടിപ്പില്‍നിന്നും സംരക്ഷിക്കുന്നതിനുള്ള വെബ്‌സൈറ്റ് വികസിപ്പിച്ച ഇന്ത്യന്‍ വംശജയായ തേജസ്വി മനോജ് ടൈം മാഗസിന്‍ കിഡ് ഓഫ് ദി ഇയര്‍ 2025 ആയി തിരഞ്ഞെടുക്കപ്പെട്ടു.
43. എ പി ജെ അബ്ദുള്‍കലാം ദേശീയ പുരസ്‌കാരം രമേശ് ചെന്നിത്തലയ്ക്ക് ലഭിച്ചു.
44. ജി ദേവരാജന്‍ ശക്തിഗാഥാ പുരസ്‌കാരം ഗായകന്‍ എം ജി ശ്രീകുമാറിന് ലഭിച്ചു.
45. ചലച്ചിത്ര നടി ഷീല, ഗായിക പി കെ മേദിനി എന്നിവര്‍ക്ക് സാമൂഹ്യനീതി വകുപ്പിന്റെ വയോസേവന അവാര്‍ഡുകള്‍ ലഭിച്ചു.
46. മികച്ച സഹനടനുള്ള എമ്മി പുരസ്‌കാരം സ്വന്തമാക്കുന്ന ഏറ്റവും പ്രായം കുറഞ്ഞ വ്യക്തിയും പുരസ്‌കാര ചരിത്രത്തിലെ ഏറ്റവും പ്രായം കുറഞ്ഞ നടനുമായ അഡോളസെന്റ്‌സ് എന്ന പരമ്പരയിലെ 15 വയസ്സുകാരനായ ഓവന്‍ കൂപ്പര്‍ തിരഞ്ഞെടുക്കപ്പെട്ടു.
47. എമ്മി ഡ്രാമ സീരീസില്‍ മികച്ച സഹനടനുള്ള പുരസ്‌കാരം നേടുന്ന ആദ്യ കറുത്ത വര്‍ഗ്ഗക്കാരനെന്ന നേട്ടം സെവറെന്‍സിലൂടെ ട്രാമെല്‍ ടില്‍മാന്‍ സ്വന്തമാക്കി.
48. മികച്ച പച്ചത്തുരുത്തുകള്‍ക്കുള്ള മുഖ്യമന്ത്രിയുടെ പുരസ്‌കാരങ്ങളില്‍ തദ്ദേശ സ്ഥാപന വിഭാഗത്തില്‍ മുഴക്കുന്ന് ഗ്രാമപഞ്ചായത്തിന് ഒന്നാം സ്ഥാനം ലഭിച്ചു.
49. 2023-24-ലെ ആര്‍ദ്ര കേരളം പുരസ്‌കാരങ്ങള്‍ ഇടുക്കി ജില്ലാ പഞ്ചായത്ത്, ഗുരുവായൂര്‍ മുനിസിപ്പാലിറ്റി, തിരുവനന്തപുരം കോര്പറേഷന്, എറണാകുളം ജില്ലയിലെ പള്ളുരുത്തി ബ്ലോക്ക് പഞ്ചായത്ത്, പാലക്കാട് ജില്ലയിലെ വെള്ളനേഴി ഗ്രാമപഞ്ചായത്ത് എന്നീ തദ്ദേശസ്വയംഭരണ സ്ഥാപനങ്ങള്‍ക്ക് ലഭിച്ചു.
50. അമേരിക്ക പ്രതിരോധ വകുപ്പിന്റെ പേര് യുദ്ധ വകുപ്പ് എന്നാക്കി മാറ്റി.
51. ദക്ഷിണാഫ്രിക്ക ക്ലാസ് മുറികളില്‍ സ്മാര്‍ട്ട്‌ഫോണ്‍ നിരോധിച്ചു.
52. ഇന്ത്യ അന്താരാഷ്ട്ര ടീ കണ്‍വെന്‍ഷന്‍ വേദി: കൊച്ചി
53. മാധവിക്കുട്ടി: കടലിന്റെ നിറങ്ങള്‍ എന്ന മാധവിക്കുട്ടിയുടെ ജീവചരിത്രം ഡോ കെ ആശ രചിച്ചു.
54. അക്രമകാരിയായ വന്യജീവിയെ കൊല്ലാന്‍ ഉത്തരവിടാന്‍ ചീഫ് വൈല്‍ഡ് ലൈഫ് വാര്‍ഡന് അധികാരം നല്‍കുന്ന വന്യജീവി സംരക്ഷണ നിയമം കേരളം പാസാക്കി.
55. ഡിജിറ്റല്‍ യുഗത്തില്‍ സാക്ഷരതെ പ്രോത്സാഹിപ്പിക്കുക എന്നതാണ് 2025-ലെ ലോക സാക്ഷരതാ ദിനത്തിന്റെ പ്രമേയം.
56. യുഎന്നിലെ യുഎസ് സ്ഥാനപതിയായി മൈക്ക് വാര്‍ട്‌സ് നിയമിതനായി.
57. ഭൂട്ടാനില്‍നിന്നും കേരളത്തിലേക്ക് കട്ടിയ എസ് യു വി കാറുകള്‍ കണ്ടെത്താന്‍ കസ്റ്റംസും ഇഡിയും നടത്തിയ സംയുക്ത അന്വേഷണമാണ് ഓപ്പറേഷന്‍ നുംഖോര്‍.
58. തീരസംരക്ഷണ സേനയുടെ അഞ്ചാമത് ആഗോള ഉച്ചകോടി 2027-ല്‍ ചെന്നൈയില്‍ നടക്കും.
59. അസമിലെ ഗോലാഘട്ടിലാണ് ഇന്ത്യയിലെ ആദ്യത്തെ മുളയധിഷ്ഠിത ബയോ എഥനോള്‍ പ്ലാന്റ് സ്ഥാപിതമായത്.
60. സുസ്ഥിര വികസന പ്രവര്‍ത്തനങ്ങള്‍ക്ക് തിരുവനന്തപുരം കോര്പറേഷന് വേള്‍ഡ് ബുക്ക് ഓഫ് റെക്കോര്‍ഡ്‌സിന്റെ ആദരം ലഭിച്ചു.
61. കേരള സമ്പദ് വ്യവസ്ഥയെക്കുറിച്ചുള്ള നീല സമ്പദ് വ്യവസ്ഥ കോണ്‍ക്ലേവ് തിരുവനന്തപുരത്ത് നടന്നു.
62. ബുക്കര്‍ പുരസ്‌കാരത്തിനുള്ള അന്തിമ ചുരുക്കപട്ടികയില്‍ കിരണ്‍ദേശായിയുടെ ദി ലോണ്‍ലിനെസ് ഓഫ് സോണിയ ആന്‍ഡ് സണ്ണി ഇടംനേടി.
63. കവി ബി കെ ഹരിനാരായണന് രചിച്ച എം എസ് സുബ്ബുലക്ഷ്മിയുടെ ജീവചരിത്രമാണ് ശിവം ശുഭം- ദി ബയോഗ്രാഫി ഓഫ് എ കപ്പിള്‍.
64. യൂട്യൂബ് ചാനലുകള്‍ക്ക് കര്‍ണാടക ലൈസന്‍സ് ഏര്‍പ്പെടുത്തും.
65. ദേശീയ ബഹുമതിയായ സ്വദേശ് സമ്മാന്‍ കേരളത്തിലെ പൊതുമേഖലാ സ്ഥാപനമായ കേരള സ്റ്റേറ്റ് ഫിനാന്‍ഷ്യല്‍ എന്റര്‍പ്രൈസസിന് (കെ എസ് എഫ് ഇ) ലഭിച്ചു.
66. കേരള അര്‍ബന്‍ കോണ്‍ക്ലേവ് വേദി കൊച്ചിയായിരുന്നു.
67. 2025-ലെ അന്താരാഷ്ട്ര പരിസ്ഥിതി കോണ്‍ക്ലേവ് അങ്കമാലിയില്‍ നടന്നു.
66. മൗറീഷ്യസ് പ്രധാനമന്ത്രി നവീന്‍ചന്ദ്ര രാംഗുലാം ഇന്ത്യ സന്ദര്‍ശിച്ചു.
67. മഹാരാഷ്ട്ര ഗവര്‍ണറായി ആചാര്യ ദേവവ്രത് നിയമിതനായി.
68. മിസ് കേരള 2025 ആയി ശ്രീനിധി സുരേഷ് തിരഞ്ഞെടുക്കപ്പെട്ടു.
69. ഡെപ്യൂട്ടി ഇലക്ഷന്‍ കമ്മിഷണറായി പവന്‍കുമാറിനെ നിയമിച്ചു.
70. കുവൈത്തിലെ പുതിയ ഇന്ത്യന്‍ അംബാസഡറായി പരമിത ത്രിപാഠിയെ നിയമിച്ചു.
71. ഇന്ത്യന്‍ ന്യൂസ് പേപ്പര്‍ സൊസൈറ്റിയുടെ പുതിയ പ്രസിഡന്റായി വിവേക് ഗുപ്തയെ തിരഞ്ഞെടുത്തു.
72. ഇന്റര്‍നാഷണല്‍ യൂണിയന്‍ ഫോര്‍ കണ്‍സര്‍വേഷന്‍ ഓഫ് നേച്ചറിന്റെ (ഐയുസിഎന്‍) വേള്‍ഡ് കണ്‍സര്‍വേഷന്‍ ഓഫ് പ്രൊട്ടക്ടഡ് ഏരിയ (ഡബ്ല്യുസിപിഎ) കെന്റണ്‍ മില്ലര്‍ പുരസ്‌കാരം ഇന്ത്യയുടെ സോനാലി ഘോഷിന് ലഭിച്ചു.
73. സത്യന്‍ ചലച്ചിത്ര പുരസ്‌കാരം നടി ഉര്‍വശിക്ക് ലഭിച്ചു.
74. മുല്ലനേഴി പുരസ്‌കാരം കവിയും ഗാനരചയിതാവുമായ ബി കെ ഹരിനാരായണന് ലഭിച്ചു.
75. പി വി തമ്പി മെമ്മോറിയല്‍ എന്‍ഡോവ്‌മെന്റ് പരിസ്ഥിതി പുരസ്‌കാരം സുരേന്ദ്രന്‍ ധര്‍മടത്തിന് ലഭിച്ചു.
76. ജസ്റ്റിസ് കൃഷ്ണയ്യര്‍ പുരസ്‌കാരം മുന്‍ ഗവര്‍ണര്‍ പി സദാശിവത്തിന് ലഭിച്ചു.
77. യു എ ഖാദര്‍ പുരസ്‌കാരം കെ വി മോഹന്‍ കുമാറിന് ലഭിച്ചു.
78. പി ഗോവിന്ദപിള്ള ദേശീയ പുരസ്‌കാരം സംഗീതജ്ഞന്‍ ടി എം കൃഷ്ണയ്ക്ക് ലഭിച്ചു.
79. ഡോ പല്‍പു ഫൗണ്ടേഷന്‍ അവാര്‍ഡ് കെ ജി ബാബുരാജിന് ലഭിച്ചു.
80. പ്രൊഫ ടി ജെ ചന്ദ്രചൂഡന്‍ പുരസ്‌കാരം ജി സുധാകരന് ലഭിച്ചു.
81. പ്രൊഫ ജോസഫ് മുണ്ടശ്ശേരി സ്മാരക പുരസ്‌കാരം എന്‍ എസ് മാധവന് ലഭിച്ചു.
82. ജെന്‍ സീ പ്രക്ഷോഭത്തെത്തുടര്‍ന്ന് പ്രസിഡന്റിനെ ഇംപീച്ച് ചെയ്ത രാജ്യം മഡഗാസ്‌കര്‍ ആണ്.
83. കൂടുതല്‍ സ്ത്രീകള്‍ സൗജന്യമായി യാത്ര ചെയ്തതിനുള്ള ലോക റെക്കോര്‍ഡ് കര്‍ണാടക സര്‍ക്കാരിന്റെ ശക്തി പദ്ധതി സ്വന്തമാക്കി.
84. പുത്തേഴന്‍ അവാര്‍ഡ് കെ വി രാമകൃഷ്ണന് ലഭിച്ചു.
85. ബ്രിട്ടീഷ് അക്കാദമിയുടെ 2025ലെ ബുക്ക് പ്രൈസ് ഇന്ത്യന്‍ വംശജനായ ചരിത്രകാരന്‍ സുനില്‍ അമൃതിന് ലഭിച്ചു. അദ്ദേഹത്തിന്റെ ദ ബേണിങ് എര്‍ത്ത് ആന്‍ എന്‍വയോണ്‍മെന്റല്‍ ഹിസ്റ്ററി ഓപ് ദ ലാസ്റ്റ് 500 ഇയേഴ്‌സ് എന്ന പുസ്തകത്തിനാണ് അവാര്‍ഡ്. ഏകദേശം 30 ലക്ഷം രൂപയാണ് പുരസ്‌കാരത്തുക.
86. കെ ബാലകൃഷ്ണന്‍ നമ്പ്യാര്‍ സാഹിത്യപുരസ്‌കാരം എന്‍ എസ് മാധവന് ലഭിച്ചു.
87. അന്തരിച്ച പ്രമുഖ ജ്യോതിശാസ്ത്രജ്ഞന്‍ ഡോ ജയന്ത് വിഷ്ണു നാര്‍ലിക്കര്‍ക്ക് ഇന്ത്യയുടെ പരമോന്നത ശാസ്ത്ര ബഹുമതിയായ വിജ്ഞാന്‍ രത്‌ന പുരസ്‌കാരം ലഭിച്ചു.
88. ലോക മത പാര്‍ലമെന്റ് ഓസ്‌ട്രേലിയയിലെ വിക്ടോറിയന്‍ പാര്‍ലമെന്റില്‍ നടന്നു.
87. കൊല്‍ക്കത്ത അന്താരാഷ്ട്ര ചലച്ചിത്ര മേളയില്‍ ഇന്ത്യന്‍ സിനിമ മത്സര വിഭാഗത്തില്‍ തിരഞ്ഞെടുത്ത മലയാളത്തില്‍നിന്നുള്ള ഏക ചിത്രമാണ് എ പ്രെഗ്നന്റ് വിഡോ.
88. അമ്മയില്‍നിന്നും കുഞ്ഞിലേക്ക് ഹെപ്പറ്റൈറ്റിസ് ബി, എച്ച്‌ഐവി, സിഫിലിസ് എന്നീ രോഗങ്ങള്‍ പകരുന്നത് പൂര്‍ണമായും തടഞ്ഞ ലോകത്തെ ആദ്യ രാജ്യം മാലെ ദ്വീപ് ആണ്.
89. ലോകത്തിലെ ഏറ്റവും മലിനമായ നഗരമായി പാകിസ്ഥാനിലെ ലാഹോര്‍ തിരഞ്ഞെടുക്കപ്പെട്ടു.
90. വനിതാ ഏകദിന ക്രിക്കറ്റില്‍ ഒരു കലണ്ടര്‍ വര്‍ഷം ആയിരം റണ്‍സ് തികച്ച ആദ്യ താരമെന്ന റെക്കോര്‍ഡ് ഇന്ത്യയുടെ സ്മൃതി മന്ഥാന സ്വന്തമാക്കി.
91. ഏകദിന ക്രിക്കറ്റില്‍ വേഗത്തില്‍ 5000 റണ്‍സ് തികച്ച വനിതാ താരവും 5000 റണ്‍സ് തികച്ച പ്രായം കുറഞ്ഞ വനിതാ താരവും സ്മൃതി മന്ഥാനയാണ്.
92. സെപ്തംബര്‍ മാസത്തെ മികച്ച താരങ്ങള്‍ക്കുള്ള അന്താരാഷ്ട്ര ക്രിക്കറ്റ് കൗണ്‍സിലിന്റെ പുരസ്‌കാരം അഭിഷേക് ശര്‍മ്മയ്ക്കും സ്മൃതി മന്ഥാനയ്ക്കും ലഭിച്ചു.
93. ക്രിക്കറ്റ് താരം സഞ്ജു സാംസണ്‍ 67-ാമത് സംസ്ഥാന സ്‌കൂള്‍ കായികമേളയുടെ ബ്രാന്‍ഡ് അംബാസഡറായും കീര്‍ത്തി സുരേഷിനെ ഗുഡ് വില്‍ അംബാസിഡറായും നിയമിച്ചു.
94. 67-ാമത് സംസ്ഥാന സ്‌കൂള്‍ കായിക മേളയില്‍ തിരുവനന്തപുരം ഓവറോള്‍ ചാമ്പ്യന്‍മാരും മലപ്പുറം അത്‌ലറ്റിക്‌സ് ചാമ്പ്യന്മാരുമായി.
95. സ്‌കൂള്‍ കായികമേളയില്‍ ആദ്യമായി ഏര്‍പ്പെടുത്തിയ ചീഫ് മിനിസ്റ്റേഴ്‌സ് സ്വര്‍ണ്ണക്കപ്പ് തിരുവനന്തപുരത്തിന് ലഭിച്ചു.
96. 12-ാമത് ലോക പാരാ അത്‌ലറ്റിക് ചാമ്പ്യന്‍ഷിപ്പില്‍ ഏറ്റവുമധികം മെഡല്‍ നേടിയ രാജ്യം ബ്രസീല്‍ (44 മെഡലുകള്‍) ആണ്. ഇന്ത്യ 22 മെഡലുകള്‍ നേടി 10-ാം സ്ഥാനത്തെത്തി.
97. അണ്ടര്‍ 20 ഫുട്‌ബോള്‍ ലോകകപ്പ് കിരീടം മൊറോക്കോയ്ക്ക്. ഫൈനലില്‍ അര്‍ജന്റീനയെ 2-0-ന് പരാജയപ്പെടുത്തി.
97. 40-ാമത് ദേശീയ ജൂനിയര്‍ അത്‌ലറ്റിക് മീറ്റില്‍ തമിഴ്‌നാട് കിരീടം.
98. ഏകദിന ക്രിക്കറ്റില്‍ ഓസ്‌ട്രേലിയയ്‌ക്കെതിരെ അവരുടെ നാട്ടില്‍ 1000 റണ്‍സ് നേടുന്ന ആദ്യ ഇന്ത്യന്‍ താരമായി രോഹിത് ശര്‍മ്മ.
99. രവീന്ദ്രനാഥ ടാഗോറിന്റെ അര്‍ധകായ പ്രതിമ ചൈനയുടെ തലസ്ഥാനമായ ബെയ്ജിങ്ങില്‍ അനാച്ഛാദനം ചെയ്തു.
100. ഗുജറാത്തിലെ സര്‍ക്രീക്കില്‍ ഇന്ത്യ നടത്തുന്ന സംയുക്ത സൈനികാഭ്യാസമാണ് ത്രിശൂല്‍.
101. ആസിയാന്‍ ഉച്ചകോടി മലേഷ്യന്‍ തലസ്ഥാനമായ ക്വാലാലംപൂരില്‍ നടന്നു.
102. ആസിയാന്‍ കൂട്ടായ്മയിലെ 11-ാം അംഗരാജ്യമായി കിഴക്കന്‍ ടിമോര്‍
103. ബംഗാള്‍ ഉള്‍ക്കടലില്‍ രൂപംകൊണ്ട ചുഴലിക്കാറ്റാണ് മോന്‍ത.
104. ഔറംഗബാദ് റെയില്‍വേ സ്റ്റേഷനെ ഛത്രപതി സംഭാജിനഗര്‍ സ്റ്റേഷന്‍ എന്ന് പുനര്‍നാമകരണം ചെയ്തു.
105. മൂന്ന് പ്രധാന അവയവങ്ങള്‍ ഒരേ സമയം മാറ്റിവച്ച ഇന്ത്യയിലെ ആദ്യത്തെ സര്‍ക്കാര്‍ ആശൂപത്രിയായി കോട്ടയം മെഡിക്കല്‍ കോളെജ്.
106. ഡല്‍ഹിയിലെ എയിംസ് കഴിഞ്ഞാല്‍ സര്‍ക്കാര്‍ മേഖലയില്‍ ആദ്യമായി ശ്വാസകോശം മാറ്റിവയ്ക്കുന്ന ആശുപത്രി എന്ന റെക്കോര്‍ഡും കോട്ടം മെഡിക്കല്‍ കോളേജിന് ലഭിച്ചു.
107. ശ്രീലങ്കന്‍ പ്രധാനമന്ത്രി ഡോ ഹരിണി അമരസൂര്യ ഇന്ത്യയില്‍ ത്രിദിന സന്ദര്‍ശനം നടത്തി.
108. ഖാലിദ് എല്‍ എനാനി യുണൈറ്റഡ് നേഷന്‍സ് എജ്യൂക്കേഷണല്‍, സയന്റിഫിക് ആന്‍ഡ് കള്‍ച്ചറല്‍ ഓര്‍ഗനൈസേഷന്റെ (യുനെസ്‌കോ) പുതിയ ഡയറക്ടര്‍ ജനറലായി നിയമിതനായി.
109. മൈസൂരു വിമാനത്താവളത്തിന്റെ ആദ്യ വനിതാ ഡയറക്ടറായി മലയാളിയായ പി വി ഉഷാകുമാരി നിയമിതയായി.
110. ഡോ പോള്‍ കപൂര്‍ യുഎസ് വിദേശകാര്യ വകുപ്പിന്റെ മധ്യദക്ഷിണേഷ്യന്‍ കാര്യങ്ങള്‍ക്കായുള്ള അസിസ്റ്റന്റ് സെക്രട്ടറിയായി നിയമിതനായി.
111. ഇന്ത്യയിലെ ആദ്യത്തെ ട്രാവല്‍- ലിറ്റററി ഫെസ്റ്റിവലായ യാനം വര്‍ക്കലയില്‍ നടന്നു.
112. ഇന്ത്യയും ഇന്തോനേഷ്യയും ചേര്‍ന്ന് വിശാഖപട്ടണത്തുവച്ച് നടത്തുന്ന സംയുക്ത നാവികാഭ്യാസമാണ് സമുദ്രശക്തി.
113. പ്രശസ്ത ഇന്ത്യന്‍ ബഹിരാകാശ ശാസ്ത്രജ്ഞന്‍ ഡോ ഏക്‌നാഥ് വസന്ത് ചിറ്റ്‌നിസ് പൂനെയില്‍ അന്തരിച്ചു.
114. മുന്‍ എംഎല്‍എ ബാബു എം പാലിശ്ശേരി അന്തരിച്ചു.
115. പ്രശസ്ത നടന്‍ പങ്കജ് ധീര്‍ അന്തരിച്ചു.
116. കേരളത്തില്‍ ചികിത്സയ്‌ക്കെത്തിയ മുന്‍ കെനിയന്‍ പ്രധാനമന്ത്രിയും പ്രതിപക്ഷ നേതാവുമായ റയില ഒഡിംഗ ഹൃദയാഘാതത്തെ തുടര്‍ന്ന് കൂത്താട്ടുകളത്ത് അന്തരിച്ചു.
117. ദക്ഷിണ കൊറിയന്‍ എഴുത്തുകാരി ബെക്ക് സെ ഹീ അന്തരിച്ചു. I want to die but I want to eat Tteokbokki എന്ന പുസ്തകമാണ് ബെക്കിനെ ശ്രദ്ധേയമാക്കിയത്.
118. പ്രശസ്ത നടനും സംവിധായകനുമായ ഗോവര്‍ധന്‍ അസ്രാണി അന്തരിച്ചു.
119. പോര്‍ച്ചുഗല്‍ മുമ്പ പ്രധാനമന്ത്രി ഫ്രാന്‍സിസ്‌കോ പിന്റോ ബാല്‍സെമാവോ അന്തരിച്ചു.
120. പ്രമുഖ സ്റ്റണ്ട് മാസ്റ്റര്‍ മലേഷ്യ ഭാസ്‌കര്‍ അന്തരിച്ചു.
121. ബോളിവുഡ് നടന്‍ സതീഷ് ഷാ അന്തരിച്ചു.
122. ലഡാക്കിലാണ് ലോകത്തെ ഏറ്റവും ഉയരത്തിലുള്ള വാഹനഗതാഗതയോഗ്യമായ റോഡ് ഇന്ത്യ നിര്‍മ്മിച്ചു.
123. ഭാവന ചൗധരി അതിര്‍ത്തി രക്ഷാ സേനയുടെ (ബിഎസ്എഫ്) ആദ്യ വനിതാ ഫ്‌ളൈറ്റ് എഞ്ചിനീയറായി നിയമിതയായി.
124. ഒളിമ്പിക്‌സ് സ്വര്‍ണമെഡല്‍ ജേതാവ് നീരജ് ചോപ്രയ്ക്ക് സൈന്യത്തിന്റെ ഓണററി ലെഫ്റ്റനന്റ് കേണല്‍ പദവി ലഭിച്ചു.
125. ദീപിക പദുകോണ്‍ കേന്ദ്ര ആരോഗ്യകുടുംബക്ഷേമ മന്ത്രാലയത്തിന്റെ പ്രഥമ മാനസികാരോഗ്യ അംബാസഡറായി നിയമിതയായി.
126. ഇ പി ജയരാജന്റെ ആത്മകഥ ഇതാണ് എന്റെ ജീവിതം പുറത്തിറങ്ങുന്നു.
127. ദയാവധം നിയമപരമാക്കിയ ആദ്യ ലാറ്റിനമേരിക്കന്‍ ആദ്യ രാജ്യമാണ് യുറുഗ്വായ്.
128. സ്‌പെയ്‌സ് എക്‌സ് സ്ഥാപകനായ ഇലോണ്‍ മസ്‌ക് അവതരിപ്പിച്ച എഐ എന്‍സൈക്ലോപീഡിയ ആണ് ഗ്രോക്പീഡിയ.
129. കിഴക്കന്‍ അന്റാര്‍ട്ടിക്കയില്‍ ഇന്ത്യ സ്ഥാപിക്കാന്‍ ഉദ്ദേശിക്കുന്ന പുതിയ ഗവേഷണ കേന്ദ്രമാണ് മൈത്രി II.
130. ദക്ഷിണകൊറിയയിലെ ബുസാനിലാണ് ഇന്ത്യയും ദക്ഷിണകൊറിയയും ചേര്‍ന്നുള്ള ആദ്യ നാവികാഭ്യാസം നടന്നത്.
കേരള പി എസ് സി കറന്റ് അഫയേഴ്‌സ്: സെപ്തംബര്‍ 2025 (Kerala PSC Current Affairs: September 2025)
About the Author
- Advertisement -
